வாழ்த்துவம் இனிதே! - புலவர் ப.எழில்வாணன்

 


வாழ்த்துவம் இனிதே!

புலவர் ப.எழில்வாணன்

பள்ளபட்டி


உயர்தமிழ் என்றும் உலகை ஆள

அயர்வு நீக்கி அறிவியல் நோக்கில்

ஆற்றல் மிகைத்தே அதிக உழைப்பில்

போற்றும் வண்ணம் புதுமை தேக்கி,

முனைவர் இளங்கோ வனார்தாம் முயன்று

முனைப்பாய் ஆக்கிய வினைபுரி நூல்தான்

இணைய ஆற்றுப் படையெனும் இந்நூல்!

இணைய மறுப்பார் தமையும் இணைக்கத்

துணைபுரி நூலிதாம்; தொழில்சார் நுட்பம்

அனைய செய்திகள் பொதிந்த புலநூல்!

இணையம் நோக்கி ஆற்றுப் படுத்தும்

புணைநேர் நூல்தான் புரிந்து கொள்வீர்!

ஆற்றுப் படைநூல் வரிசையில் அருமை

ஏற்றி மாற்றங் கண்ட மணிநூல்!

தமிழகச் சிறப்பு, தமிழர் எழுச்சி,

தமிழினம் உலகம் போற்றத் தழைத்தமை,

இலங்கைத் தமிழர் இன்னல்,  கொடுமை,

வலங்கெழு தமிழர் மானம் காத்தமை,

கணினி இணையம் கால்பதித் துள்ளமை,

அணிசேர் தமிழ்க்கே அவற்றால் நன்மை

இணையக் கழகம்,  வலையொளி இன்னன

இணையிலா இமயமாய் இலங்கிட உழைத்த

ஆற்றல் மிகையோர், அறிஞர், பெரியோர்

ஆற்றிய கடமை அடிமுதல் நுனிவரை

ஆழமாய், அழகாய் ஞாலமே போற்ற

வேழமாய் இனிக்க விளக்கும் தெளிநூல்!

அகவலில் ஐந்நூற் றறுபான் மூன்றடி

தகவுடன் அமைந்த அகங்கொள் தமிழ்நூல்!

இளங்கோ வனாரையும் இவர்தம் நூலையும்

வளங்கெழு உளமுடன் வாழ்த்துவம் இனிதே!

Comments

Post a Comment

Popular posts from this blog

தொடரும் தொல்காப்பிய மரபு நூல் வெளியீடு…

Image
  தமிழ் அன்பர்களுக்கு ! வணக்கம் . தொடரும் தொல்காப்பிய மரபு என்ற தலைப்பில் என் நூல் அச்சாக்கம் கண்டு , இன்று என் கையினுக்கு வந்துள்ளது . இந்த நூலில் 15 கட்டுரைகள் உள்ளன . முதல் ஐந்து கட்டுரைகள் தொல்காப்பியம் சார்ந்தும் , மற்ற கட்டுரைகள் வேறு பொருண்மைகளிலும் உள்ளன . இக்கட்டுரைகள் யாவும் பல்வேறு ஆய்வரங்குகளில் படிக்கப்பட்டவை; நண்பர்களின் நூல்களுக்கு அணிந்துரைகளாக வரையப்பட்டவை . இத்தகு ஆய்வு நோக்கிலான கட்டுரைகளை இணையத்தில் பதிவதில்லை . நூல் வடிவில் இவற்றைப் பார்ப்பதில்தான் மகிழ்ச்சி .   தொடரும் தொல்காப்பிய மரபு நூல் 2025 சனவரி 25, 26 (சனி, ஞாயிறு) நாள்களில் மும்பையில் திருவாளர் சு.குமணராசன் ஐயாவின் தலைமையில் இயங்கும் இலெமுரிய அறக்கட்டளை ஏற்பாடு செய்துள்ள தொல்காப்பியத் திருவிழாவில் - தொல்காப்பியக் கண்காட்சியில் அறிஞர்களின் முன்னிலையில் வெளியீடு காண உள்ளது. நூல் வெளியீட்டு விழாவுக்குப் பிறகு நூல்கள் விற்பனைக்குக் கிடைக்கும்.   நூல்: தொடரும் தொல்காப்பிய மரபு ஆசிரியர்: முனைவர் மு.இளங்கோவன் பக்கம்: 176 விலை 350 உருவா தொடர்புக்கு: m...
Read more

இணைய ஆற்றுப்படை நூலாசிரியர் முனைவர் மு.இளங்கோவனுக்கு வாழ்த்து!

Image
  நனிபுக ழொடுபல ஆண்டுகள் வாழி! பாவலர் தெ. வச்சிரவேலன், சிங்கப்பூர் கன்னலின்  இனிமையும் கனிமொழி வாய்மையும் தன்னலம் இல்லாத் தம்முளத் தூய்மையும் புன்னகை மாறாப் பொலிமுக முங்கொண்ட ஒண்டமிழ் மொழிமேல் தன்னுயிர் வைத்த அன்புக் கினியர் ஆன்ற ஆர்வலர் துறைதொறும் தெளிந்த நிறைமொழி யாளர் அன்னார் இளங்கோ அறிமுகம் எனக்குப் பன்னாள் பழகிய பழக்கம் போன்று சென்ற ஆண்டு சிங்கைத் தெருவினில் சிறப்பாய் அமைந்தது செந்தமிழ் உணர்வொடு பிறப்பால் உணர்வால் பைந்தமிழ் போற்றும் நட்பினர் ஆனோம் நாளும் வளர்ந்த நட்பில் நயந்தோம் நலனொடு காப்போம் அண்மையில் அவர்தம் அருமை நூலைக் கண்டேன் மலைத்தேன் கவின்மிகு நடையில் அகவல் யாப்பில் தகவாய் அமைந்த இணைய ஆற்றுப் படையெனும் நன்னூல் போற்றத் தகுந்த படைப்பாம் அதனுள் தமிழகச் சிறப்பும் தமிழர் எழுச்சியும் தமிழர் உலகப் பரவலும் இலங்கைத் தமிழர் இன்னல் வாழ்வும் தொடங்கிக் கணினி இணைய வரவும் பரவலும் அணியாய்த் தொடுத்திங்கு அவைதாம் கண்ட  அளவிளா வளர்ச்சியை அழகுற அடுக்கியும்  தளராது உழைத்துத் தமிழ்க்கருந் தொண்டினை ஆற்றிய சான்றோர் அறிஞர் பலரையும் போற்றிப் பாடியும் புகழினை நுவன்றும் ஆற்றுப் பட...
Read more

இணைய ஆற்றுப்படை - நூல் அறிமுகம்: பைந்தமிழரசு பாவலர் மா. வரதராசன்

Image
  பாவலர் மா. வரதராசன்  காலந்தோறும் மாறிவரும் மாற்றங்களுக்கேற்பத் தன்னைத் தகவமைத்துக் கொள்ளும் மொழியே நிலைத்துவாழும் சிறப்பைப் பெறுமென்பது மொழியியலார்தம் துணிபு .   நந்தமிழ்மொழியின் சிறப்பை மட்டுமே சொல்லி இறுமாந்து கொண்டிராமல் , கால மாற்றத்திற்கேற்ப அதன் உள்ளீட்டைத் தகவமைப்பதும் , அதனை இளையோரிடம் கடத்துவதும் இற்றை முதன்மைத் தேவை என்பதை நன்குணர்ந்த அறிஞர் பல்லோர் ஆற்றிய பெரும்பணிகளால் நம் தமிழ்மொழி இணையவுலகிலும் தனக்கான இடத்தைத் தக்கவைத்துக் கொண்டிருக்கிறது .   அத்தகு சிறப்பை அடுத்த தலைமுறைக்குக் கடத்துவதும் இன்றியமையாத செயலாகும் . இக்காலத் தலைமுறைக்கு இணையத்தைப் பற்றி நாம் சொல்லிக் கொடுக்க வேண்டியதில்லை . ஆனால் , தமிழின் சிறப்போடு இணையத்தின் பயன்பாட்டை அவர்களுக்குத் தெரிவிக்கும் போதுதான் தமிழின் சிறப்பு அடுத்தடுத்த தலைமுறைக்கும் தெரியவரும் .   இந்த அரியதொரு பணியைச் செய்த உணர்வாளர் பலரின் பேருழைப்பையும் , அப்பணியினூடாக வெளிப்படுத்தப்பட்ட தமிழின் அருமையையும் தமிழார்வலர் அன...
Read more