இணைய ஆற்றுப்படை - நூல் அறிமுகம் - சுப்ரபாரதிமணியன்


கற்றான் ஒருவன் அது கற்க விரும்புவானை  ஆற்றுப்படுத்துதல் இணைய ஆற்றுப்படையாம். அந்த வகையில் .இணையம் சார்ந்த  தொழில்நுட்ப செய்திகளையும் வரலாறுகளையும்  தமிழில் பதிவு செய்துள்ளது இந்த நூல். 

 ஆற்றுப்படை என்பது பல்வேறு வகைகளில் அர்த்தம் சொல்லப்படுவது பொருள் பெற்ற ஒருவர் பொருள் பெற செல்வோர் பெயரில் அமைப்பதாக ஆற்றுப்படை கேள்விப்பட்டிருக்கிறோம்.. முருகனை ஆற்றுப்படுத்தாமல் முருகனிடத்து ஆற்றப்படுத்துவதாக அமைந்திருப்பதும் உண்டு.. ஞானியர் ஆற்றுப்படை என்பது ஞானி யாரை ஆற்றுப்படுத்தாமல் ஞானியாரிடம் ஆற்றுப்படுத்துதல் என்ற கருத்திலும் பாடி உள்ளார்கள். 

அப்படித்தான் இணைய ஆற்றல் என்பது இங்கே முடிவாக உள்ளது. இணையத்தின் சிறப்புகளை சொல்லி அதனை கற்றும் அறிந்தும் பயன்பெற பல வகைகள் சொல்லப்பட்டுள்ளன..  தமிழகத்தின் நிலம் சார்ந்த விசயங்கள், அதன்  சிறப்புகள், வளம், பெருமை யாவும் நினைவு கூறப்பட்டுள்ளன. 

 நூலின் இறுதியில் தமிழ் இணையத் தொழில்நுட்பத்தை தமிழில் வழங்க வேண்டும் என்று உழைத்த பெருமக்கள் பற்றிய குறிப்புகள் நிகழ்காலத் தன்மையுடன் வைக்கப்படுகின்றன. சரியான கவுரவம் அவர்களுக்கு. 

முன்பே ஆற்றுப்படை நூல்கள் சிலவற்றை எழுதி பயிற்சியை ஆழமாக்கிக் கொண்டவர் முனைவர் மு. இளங்கோவன். உலகப் போக்குகளை உள்வாங்கிக் கொள்ள தமிழ் அறிஞர்கள் தாய்மொழியான தமிழிலும் உலகப் போக்குகளை நிலை பெறச் செய்யும் முயற்சியில் முனைந்தனர். அது பல சாதனைகளை செய்துள்ளது. கணினி,  இணையம் இல்லாத உலகம் கற்பனை செய்து கொள்ள முடியவில்லை. அந்த உலகத்தில்,  இணையத் துறையின் செயல்பாடுகளை பற்றி இந்த நூல் சொல்கிறது. இந்த  ஆற்றுப்படையை  563 பாடல் அடிகளில் அமைந்திருக்கிறார் தொழில்நுட்ப வரலாறு மரபு வடிவில் சேர்க்கப்பட்டிருக்கிறது. தமிழ் இணையத்துக்கு பங்களித்தோர் என்ற விவரங்களில் முனைவர் அனந்தகிருஷ்ணன்,  நா கோவிந்தசாமி முதற்கொண்டு காலடி நாகராஜன்,  தகவல் உழவன் வரைக்கும் சிறப்பானப் பங்களிப்பைச் செய்தவர்கள் பற்றியக் அறிமுகக் குறிப்புகளை    இந்த இந்த ஆற்றுப்படை அமைத்திருக்கிறது. தமிழில் இணைய முயற்சிகளின் பல்வேறு பரிமாணங்களில் ஒரு வகையை இது சிறப்பாக சுட்டி காட்டி இருக்கிறது. 

இந்த 563 அகற்பா வரிகளின் அனுபவங்களை,  சொல்லாட்சியை அகற்பா பற்றி தெரிந்தவர்கள் முழுமையாக நன்கு ரசித்து உணரலாம். மற்றவர்களுக்கும் கணினி, இணையம் சார்ந்த விபரங்களுக்கும் வழிகாட்டியாகவும் இந்த நூல் விளங்குகிறது. 

 (பக்கங்கள் 48, விலை ரூ 100,   வயல் வெளி  பதிப்பகம், இடைக்கட்டு, அரியலுர் 612901  -   944420 29053 ) 

 (முன்னுரைகளிலிருந்து தொகுக்கப்பட்டது, வேறு கருத்துக்கள் இடம் பெறவில்லை )

Comments

Post a Comment

Popular posts from this blog

தொடரும் தொல்காப்பிய மரபு நூல் வெளியீடு…

Image
  தமிழ் அன்பர்களுக்கு ! வணக்கம் . தொடரும் தொல்காப்பிய மரபு என்ற தலைப்பில் என் நூல் அச்சாக்கம் கண்டு , இன்று என் கையினுக்கு வந்துள்ளது . இந்த நூலில் 15 கட்டுரைகள் உள்ளன . முதல் ஐந்து கட்டுரைகள் தொல்காப்பியம் சார்ந்தும் , மற்ற கட்டுரைகள் வேறு பொருண்மைகளிலும் உள்ளன . இக்கட்டுரைகள் யாவும் பல்வேறு ஆய்வரங்குகளில் படிக்கப்பட்டவை; நண்பர்களின் நூல்களுக்கு அணிந்துரைகளாக வரையப்பட்டவை . இத்தகு ஆய்வு நோக்கிலான கட்டுரைகளை இணையத்தில் பதிவதில்லை . நூல் வடிவில் இவற்றைப் பார்ப்பதில்தான் மகிழ்ச்சி .   தொடரும் தொல்காப்பிய மரபு நூல் 2025 சனவரி 25, 26 (சனி, ஞாயிறு) நாள்களில் மும்பையில் திருவாளர் சு.குமணராசன் ஐயாவின் தலைமையில் இயங்கும் இலெமுரிய அறக்கட்டளை ஏற்பாடு செய்துள்ள தொல்காப்பியத் திருவிழாவில் - தொல்காப்பியக் கண்காட்சியில் அறிஞர்களின் முன்னிலையில் வெளியீடு காண உள்ளது. நூல் வெளியீட்டு விழாவுக்குப் பிறகு நூல்கள் விற்பனைக்குக் கிடைக்கும்.   நூல்: தொடரும் தொல்காப்பிய மரபு ஆசிரியர்: முனைவர் மு.இளங்கோவன் பக்கம்: 176 விலை 350 உருவா தொடர்புக்கு: m...
Read more

இணைய ஆற்றுப்படை நூலாசிரியர் முனைவர் மு.இளங்கோவனுக்கு வாழ்த்து!

Image
  நனிபுக ழொடுபல ஆண்டுகள் வாழி! பாவலர் தெ. வச்சிரவேலன், சிங்கப்பூர் கன்னலின்  இனிமையும் கனிமொழி வாய்மையும் தன்னலம் இல்லாத் தம்முளத் தூய்மையும் புன்னகை மாறாப் பொலிமுக முங்கொண்ட ஒண்டமிழ் மொழிமேல் தன்னுயிர் வைத்த அன்புக் கினியர் ஆன்ற ஆர்வலர் துறைதொறும் தெளிந்த நிறைமொழி யாளர் அன்னார் இளங்கோ அறிமுகம் எனக்குப் பன்னாள் பழகிய பழக்கம் போன்று சென்ற ஆண்டு சிங்கைத் தெருவினில் சிறப்பாய் அமைந்தது செந்தமிழ் உணர்வொடு பிறப்பால் உணர்வால் பைந்தமிழ் போற்றும் நட்பினர் ஆனோம் நாளும் வளர்ந்த நட்பில் நயந்தோம் நலனொடு காப்போம் அண்மையில் அவர்தம் அருமை நூலைக் கண்டேன் மலைத்தேன் கவின்மிகு நடையில் அகவல் யாப்பில் தகவாய் அமைந்த இணைய ஆற்றுப் படையெனும் நன்னூல் போற்றத் தகுந்த படைப்பாம் அதனுள் தமிழகச் சிறப்பும் தமிழர் எழுச்சியும் தமிழர் உலகப் பரவலும் இலங்கைத் தமிழர் இன்னல் வாழ்வும் தொடங்கிக் கணினி இணைய வரவும் பரவலும் அணியாய்த் தொடுத்திங்கு அவைதாம் கண்ட  அளவிளா வளர்ச்சியை அழகுற அடுக்கியும்  தளராது உழைத்துத் தமிழ்க்கருந் தொண்டினை ஆற்றிய சான்றோர் அறிஞர் பலரையும் போற்றிப் பாடியும் புகழினை நுவன்றும் ஆற்றுப் பட...
Read more

இணைய ஆற்றுப்படை - நூல் அறிமுகம்: பைந்தமிழரசு பாவலர் மா. வரதராசன்

Image
  பாவலர் மா. வரதராசன்  காலந்தோறும் மாறிவரும் மாற்றங்களுக்கேற்பத் தன்னைத் தகவமைத்துக் கொள்ளும் மொழியே நிலைத்துவாழும் சிறப்பைப் பெறுமென்பது மொழியியலார்தம் துணிபு .   நந்தமிழ்மொழியின் சிறப்பை மட்டுமே சொல்லி இறுமாந்து கொண்டிராமல் , கால மாற்றத்திற்கேற்ப அதன் உள்ளீட்டைத் தகவமைப்பதும் , அதனை இளையோரிடம் கடத்துவதும் இற்றை முதன்மைத் தேவை என்பதை நன்குணர்ந்த அறிஞர் பல்லோர் ஆற்றிய பெரும்பணிகளால் நம் தமிழ்மொழி இணையவுலகிலும் தனக்கான இடத்தைத் தக்கவைத்துக் கொண்டிருக்கிறது .   அத்தகு சிறப்பை அடுத்த தலைமுறைக்குக் கடத்துவதும் இன்றியமையாத செயலாகும் . இக்காலத் தலைமுறைக்கு இணையத்தைப் பற்றி நாம் சொல்லிக் கொடுக்க வேண்டியதில்லை . ஆனால் , தமிழின் சிறப்போடு இணையத்தின் பயன்பாட்டை அவர்களுக்குத் தெரிவிக்கும் போதுதான் தமிழின் சிறப்பு அடுத்தடுத்த தலைமுறைக்கும் தெரியவரும் .   இந்த அரியதொரு பணியைச் செய்த உணர்வாளர் பலரின் பேருழைப்பையும் , அப்பணியினூடாக வெளிப்படுத்தப்பட்ட தமிழின் அருமையையும் தமிழார்வலர் அன...
Read more